West Bengal te BJP para protest jaboli ase

Kolkata: Thursday din te BJP khan para West Bengal te aha hafta demonstrations koriboli fesla korishe. May 2 darik assembly poll results junai deya din te ruling “Trinamool Congress’ laga manuh khan para jamila tangor olai deya nemite ase, koikena etu khobor toh party khan para janai thishe. Protest demonstrations toh Kolkata te June 23 darik te thakiboli fesla hoishe aro district te June 25 din te lobo. Party sources para koishe ke, etu fesla toh high-level meeting thaka samai central BJP leaders Shiv Prakash, Arvind Menon aro Amit Malviya aro dosura state unit chief Dilip Ghosh, para fesla loishe. Etu din jamila te party supporters aro tai khan laga families ke ghor para jaboli thishe aro etu samai administration para roka nai, koikena BJP para janaishe. “ami khan laga hazar workers khan itya dak ghor bahar te ase, paani kera samai besi duhk te ase. Meeting kora samai etu halat nemite te be kotha koishe,” Ghosh para reporters logot janaishe. Party laga MPs aro MLAs khan nejor laga constituencies te thakina BJP members aro supporters kaun bahar te ase, etu manuh khan ghor te wabas aniboli koishe. Meeting te aro June 21 darik International Yoga Day maniboli fesla loishe aro etu state aro district level te Covid-19 hoshari neum jolaboli koishe. Etu programmes te alag-alag gaga para dosura important manuh khan be samil hoboli ase.