Kolkata, 12 April 2025: West Bengal laga bisi jagah te Friday din Waqf Act ke loi kena protest uthise, juntu karone manu khan gari jolai dise, road aru train chuli thaka bondh kurise, aru police khan bhi injure hoise mob ke control kuribo try kura time te, officials khan koise.
Murshidabad district laga Suti te protest bishi violent hoijaishe, juntu time te protestor khan ban thaka jagah aru road bondh kura thaka te jama kurise, police aru security personnel opor pathor phekaise, police van aru public bus jolai dise, taikan koise.
Ekjon senior police officer hissab te, chamela to suru hoise jetiya Friday prayer pichhite Muslim manu khan jama kurise Waqf Act ke protest suru kurise, National Highway-12 laga ekta part – Dakbanglo More (Shamsherganj) pura Sutir Sajur More tak – bondh kuri dise.
“Protest violent hoi jai se jetiya protestor khan police van opor pathor phekai dise, aru clash te komse kom 10 jon police injure hoise,” officer koise.
Police khan lathi-charge dibo lagise “unruly mob” ke control kuribo karone, aru bom nishina ekta item police opor pheka time te tear gas use kuribo bhi lagise, tai koise.
Kunba police jon ke najika masjid te luki jabo lagise, aru district administration BSF ke madat mangise situation control kuribo karone, aru ekta officer koise.
“Aji situation control te ase. Bisi police deploy kura hoise area te. Aji laga violence pichete, kharap manu khan ke dhuribo karone raid chuliase,” officer PTI ke koise.
Internet services, juntu already bondh kura ase Jangipur laga unrest pichete, continue kuribo, aru ban bhi thakibo, tai add kurise.
Malda district te, protestor khan railway track te bishi train movement bondh kuri dise, aru South 24 Parganas district laga Amtala te rally time police gari opor attack aru tod-fod kurise, official khan koise.
Train service bhi affect hoise Eastern Railway laga New Farakka-Azimganj section te, juntu time te bisi manu Dhuliandanga aru Nimtita stations majote obstruction aru vandalism kurise, officials khan koise.
Kolkata te, Aliah University laga students khan Park Circus te Act ke loikena protest kurise, aru Khidirpur area te bhi rally uthaise, tai khan koise.
Etu piche te, Governor C.V. Ananda Bose state government ke direction dise jolti aru effective action lobole miscreant khan opor, jun Murshidabad, Malda aru South 24 Parganas jaga te unrest create kurise, ekjon senior Raj Bhavan official koise.
“Moi disturbing report pai ase jikhon manu West Bengal laga kunba jagah te law and order haat te loi ase. Democracy te protest thik ase, kintu violence nahoi. Public order disturb nakuribo lage, aru manu laga life ke danger te anibole lage. Miscreant khan opor strong action lobo,” Governor Bose video message te koise.
Governor Bose Union Home Minister Amit Shah logot bhi kotha koise, aru Chief Minister Mamata Banerjee logot discussion kurise, official koise.
Bose situation closely monitor kuriase, aru 24×7 control room aru ekta public helpline set up kuri kena ase, tai add kurise.
Waqf Bill recently Lok Sabha aru Rajya Sabha duita te pass kuri se, bisi discussion pichete.
Act laga aim ase Waqf property laga management ke bhal kuribo, heritage site protect kuribo, aru social welfare promote kuribo.
Etya governance improve kuribo nimite transparency bhalhobole, Waqf board aru local authority majote coordination streamline kuribo, aru stakeholder khan laga right protect kuribo, etu Act te mention ase.
Add Comment