Dubai: West Indies’ Nicholas Pooran ke Wednesday dinte International Cricket Council (ICC) para four-match suspension doishe etu bi Code of Conduct Players and Player Support Personnel laga level 3 breach kura nimete.
ICC para statement te koishe ki “Pooran ke Article 2.14 ke violate kura nimete charge kurisheetu toh “Ball laga condition bodli kura nimete ase “Etu bi ekta video footage te tai ke dikhikshe tai laga thumbnail para ball laga surface ke scratch kura .Tai etia aha charta West Indies laga T20I games miss kuribo aro tai laga record te five demerit points thakibo.”
Etu hadsaa toh Monday te khela Afghanistan laga khilaaf third ODI luwa time te hoishe . West Indies khan para etu match toh five wickets para kurishe aro enika kurikena tai khan para three match series toh pura puri jitishe.
Etu suspension huwa pichede Pooran para tai laga teammates supporters aro Afghanistan team khan ke maaf mangishe.
Pooran koishe “Mui maaf mangibole mun ase mui laga teammates supporters aro afghanisan team khan ke Monday Lucknow te chamela huwa karne.Mui janishe mui ekta galti kurishe aro mui janikena thakishe ICC penalty pabole ase koikena Mui sob manu ke janaishe ki etu toh ekta hadsaa thakishe aro enika nakuribo.Mui wadaa kuri ase etu para mui hikibo aro wapas ahibo.”
Pooran para admit kura nimete hearing luwa nai aro manishe Chris Broad Emirates ICC Elite Panel Match Referees para sanction diya toh.
Etu charge toh on-field umpires Bismillah Shinwari aro Ahmed Durrani aro third umpire Ahmed Pakteen aro etu logote fourth umpire Izatullah Safi para kura ase.
Add Comment