Agencies, 5 September: Tuesday de western Japan jaga de ektum khatarnaak haawah ahha thakise. Etu hawaah ahha pora 8-jun ke moraideya thakise aro besi jun ke jokhom paise. Etu hawah toh Region’s laga International airport debe flood koridese aro tanker toh bridge de putha thakise. Etu hawah pora mathi aro air travel debe dekthari dese. Japan Meteorological Agency pora kowah hesab de, 1993 bechide Japan de etu gara typhoon toh ahha laga ase koise. Tuesday saam Fukui jaga de haawah toh 126 kilometers per hour (78 miles per hour) aro 180 kph (110 mph) mara thakise. Japanese media tallies laga hesab de, 700 flights opor cancel howah thakise. High-speed bullet train service toh Tokyo west pora Hiroshima de suspend kora thakise. Tuesday de deri-hoi kena typhoon name-ja bechide service suru howah thakise. Kansai Electric Power Co laga hesab de, Osaka, Kyoto aro 4 prefectures laga 1.6 million opor khor de light thaga nai koise.
May 18, 2024
World's First and Only Nagamese Newspaper
Add Comment