Niamey, Niger: “Terrorists” khan para western Niger te tuita(2) bosti te 100 manuh neshina morai thishe, etu sobse notun khobor jihadist-plagued Tillaberi jag ate civilian ke morai deya ase, koikena Sunday din local mayor para janaishe. Hamla kora khan para Tchoma Bangou aro Zaroumadareye laga bosti manuh logot Saturday din te hoishe. Etu samai first-round presidential results ola beche hoishe. “terrorists khan toh 100 motorcycles te ahikena marishe, koikena Tondikiwindi commune laga mayor, Almou Hassane para koishe. “Tchoma Bangou te 70 jun morishe aro Zaroumadareye te 30 neshina morishe” tai para AFP logot koishe. Tuita(2) bosti toh capital Niamey para 120 kilometres (75 miles) north jaikena ase. “etu oper te 75 manuh khan jokom paishe, konuba manuh ke toh Niamey aro Ouallam te elaj nemite loikena jaishe, koikena Hassane para koishe. Local elected officials para first te kowa toh Saturday din hamla korishe hoilebi keman jun manuh morishe khobor toh napaikena thakishe. Former government minister, Issoufou Issaka para etu jag ate ahikena koishe, etu kam toh jihadists khan para ase, local manuh para tai khan laga tui(2) jun ke mari thishe. Tai para sob manuh mora toh 83 ase koishe. Election officials para ruling party candidate aro former minister Mohamed Bazoum laga first round Niger’s presidential vote toh jaa hafta junaishe. Bazoum para jihadists khan logot larai koriboli wada korishe. Jai jaa president Mahamadou Issoufou para tuita bosti te manuh mora oper te Twitter statement tem on dukh kowa koishe. 2019 sal te tinta(3) desh te sob melaikena 4000 oper manuh morishe, etu hamla toh jihadist khan para ase koikena UN para janaishe. December 21 darik te Tillaberi jag ate 7 jun Nigerien sepai khan ambush te morishe. Jaa moina southeastern Diffa jag ate 34 bosti manuh khan ke morai thishe, etu jaga toh Nigerian border ase, etu din toh municipal aro regional elections akhe te hoishe. Presidential election laga second round toh February 20 darik te loboli ase koishe.
Western Niger bosti hamla kora te 100 jun morishe
