New Delhi, 8 August: Wrestling Federation of India (WFI) 11 jon grappler ke suspend kori dise, taikan fake birth certificate submit kori thakia karone, juntu Municipal Corporation of Delhi (MCD) verify kori thakise 110 document pora. MCD clear kori dise ki taikan laga kaam te kunuba mistake nai, karon 95 ta delayed registration matro SDM laga order te kori thakise.
Wrestling sport duta dangor problem face kori ase – overage wrestler khan lower age-group competition te kheli thaka aru bisi manu nijor domicile state alawa dusra state te represent koribo nimite fake birth certificate banai thaka.
Kisu case te certificate bacha jonm pichete 12-15 saal late te issue hoise. Itu suspicion dekhikena, WFI MCD ke certificate laga list verification nimite dise. Verification pichete, MCD confirm kori dise ki taikan certificate issue to kori thakise, kintu delayed registration (ek saal piche jonm pichete registration) direct MCD nakori, SDM laga order te kori thakise.
Bohut competition te, specially national junior team select koribo nimite trial te, dekha jai ki bisi wrestler lower age group te entry kori thakise aru original age thaka rival khan laga upor advantage loi thakise.
Haryana wrestling laga main centre hoi thaka karone, competition dangor stiff hoi ase aru state team te jaga pabo bisi tough hoi thaki ase. Tai karone, bisi athlete wrestling career banabo nimite side state Delhi pora fake certificate loi entry koribo try kori thakise.
WFI dekhi loi ase ki bisi wrestler asal te Haryana pora thaka, kintu somehow MCD pora birth certificate loi dise jate taikan Delhi pora competition te entry koribo pare.
Add Comment