WFI para 30 Wrestlers ke Temporary Suspend kurise

New Delhi, 7 June : Wrestling Federation of India (WFI) temporarily 30 jon overage wrestler ke junior-level competition pora suspend kori dise, juntu decision pichute last ekta mahina te 400 pora besi case investigate korise. Itu action mainly Delhi laga ‘Akharas’ te thaka coach aru wrestler logot pora complain uthar karone ahise — olop wrestler, specially Haryana pora ahise, nijor age kom dikhai bole fake birth certificate use kori thakise. Suspended wrestler khan ke phir se allow koribo nimite apology diya aru nijor galti mani lobole lagibo. Ekjon WFI official janai dise ki 30 jon ke last 30-40 din bitor te suspend kori dishey, aru bishi lora Haryana laga coach logot influenced thaki, Delhi laga Narela aru Rohini zone te thaka official ke bribe dise kutey fake birth certificate paibo pare. Official ekta bhi janai dise ki wrestler khan cyber cafe owner ke paisa dise kutey certificate te fake bar code laga pai, juntu scan korile original nisena dekha jai. Preventive step hisab te, WFI decide korise ki recent te issue kora birth certificate khan accept nokoribo.