Delhi, November 15 – Delhi Red Fort laga side te hona car blast laga investigation te ekta bishi sophisticated white-collar terror paishe, juntu te doctor, university staff aru educated manu khan milishe. Delhi Police, Jammu & Kashmir Police aru central agency khan milikina pura timeline join kori ase, aru etu network bishi dangor aru dangerous hobo para ulai ahishe.
Investigation October 30 para start hoishe, jetiya J&K Police Faridabad te search warrant loi jaikina Dr. Muzammil Ahmad Ganaie ke Al-Falah University para arrest korishe. Interrogation picete, police khan coordinated raid shuru korishe. November 8 te police khan ekta Swift car seize korishe, jiman te assault rifle, pistol aru ammunition paishe. Etu first big breakthrough hobo para hoishe, aru university campus te bhi arms stockpile thaka confirm kori dishe.
Etu age te November 9 te Dhauj para 358 kg ready-to-use explosives recover hoishe. Etu logote detonators, timers, wires, masks, wigs bhili sophisticated bomb-making aru disguise laga materials bhi paishe. November 10 te aru ekta bari te 2,553 kg ammonium nitrate recover hoishe, juntu ekjon accused laga ghar logote connect kori dishe.Etu din te, 6:52 pm, Hyundai i20 blast hoise Red Fort side te, aru pura India te tension create hoishe.
Blast picete police khan Dr. Umar Mohammad ke suspected bomber hisap te identify korishe. CCTV footage te bhi take Nuh-Mewat side te dekha paishe blast age te. Police khan car sell kori diya dealer bhi arrest korishe. Kuli dine, computer operator, MBBS intern China para ahi thaka ekjon bhi suspicious hisap te detain hoishe. Forensic team khan multiple vehicles examine kori ase.
Faridabad, Mewat aru Rajasthan te continuous arrest hoishe, aru investigation te clear hobo para hoise ki group khan bishi dangor coordinated attack plan kori thakishe. High-grade explosives aru educated professional manu involve thaka karone, etu operation bishi months dhori silently prepare hobo para ase. Authorities khan bhi connections join kori ase, aru etu case ekta bishi complex terror investigation hobo para sign di ase.
Add Comment