White House Doctor: Saturday din para Trump kam te jabole parebo

Washington: October 9, 2020. US President Donald Trump toh “public osor te jabo parebo”koikena Saturday din White House laga physician para Thursday din te junai thishe. US leader toh “besi bhal hoiase” covid-19 elaj kori thaka toh.“Saturday din roh 10 din hobo aro tai ke advanced diagnostics team para saiase. “I besas ase ke, President toh bhal hoikena public osor te aro ahibo”, Trump laga  doctor Sean Conley para statement te koishe. Trump toh Monday din White House te naha agae te tai tin(3) din hospital te thakishe. White House toh Covid-19 laga hotspot hoishe, Trump laga osor manuh khan besi logot positive paiase. “elaj kora samay tai logot bhal khobor paiase” koikena Conley para koishe. Bemar thura beche, Trump toh experimental antibody elaj thiase, tawai nam toh remdesivir aro steroid dexamethasone ase. Aro toh November 3 darik hoboli 26 din jabole ase, President toh campaign trail rally loboli ase. Polls paa theka hesab te Democratic challenger Joe Biden logot agae te jaiase.