April 17, 2024: April 13 deh Tehran para Israel laka against hamla kura karne, President Joe Biden, ekta nutun sanction impose kuri bole ase Iran laka missile aro drone programs kan deh. Etu statement tho White House para release kuri shae. National Secuirty Adviser Jake Sullivan para penalties laka kotha kuri shae.
“Iran kan Israel laka against unprecedented air attack kura piche deh, President Biden, allies aro partners kan lokot deh coordinate kuri ase. Tateh G7 aro Congress deh taka bipartisan leaders kan b ase. Taikan ekta comprehensive response dibo leh kotha kuri ase. Aha din deh, United States kan Iran keh target kuri bole nutun sanction impose kuri bo. Sanction tho taikan laka missile aro drone program deh hobo. Etu heh nahoi nah, Islamic Revolutionary Guard Corps (IRGC) aro Iran Defense Ministry keh support kura entities kan keh b nutun sanction impose kuri boa se,” Sullivan para ekta statement deh kui shae.
“Mukan laka allies aro partners kan b taikan nijor laka sanction deh follow kuri bo kui nah, mukan hope kuri ase. Etu laka upor deh, mukan, Department of Defense aro U.S Central Command lokot deh kam kuri bo, air aro missile defense laka integration tho kara kuri bo karne. Middle East deh b early warning system laka integration expand kuri bole kam kuri bo mukan. Iran laka missile aro UAV capabilities laka effectiveness erode kuri bo karne,” tai kui shae.
Add Comment