October 27, 2023: Russian military para Ukraine mamla deh soldiers kan kun kun order follow nakureh, taikan keh execute kuri ase, White House para kui shae. Soldiers kan kun Donetsk region laka Adviika para retreat kuri shae, taikan ekdum kara punshiment kai shae., Nikkei para White House laka spokesperson John Kirby keh quote kuri nah kui shae. Russia para February 2022 deh taikan laka neighbor keh invade kura piche deh war tho shuru hui shae. Aro tuita country b taikan laka hamla aro kara kura kina, war tho kotom hobo leh laka sign kan eku nai.
“Russian military para soldiers kan kun kun order follow nakureh, taikian keh execute kuri ase kui nah mukan laka hath deh information ase,” Mr. Kirby para press briefing ekta deh kui shae kuto Thursday din deh taki shae.
“Units kan kun Ukrainian artillery fire para retreat kuri bo mun ase, Russian commanders kan para taikan laka units keh pura execute kuri dibo kui nah damki di ase aro etu laka kobor b mukan laka hath deh ase,” tai para aro kui shae.
Russia aro Ukraine b bishi hapta karne Donetsk laka jaka deh kili ase. Kyiv para Russian army kan ek din deh 400 casualties suffer kuri kina regroup kuri bole laki jai shae kui shae.
Mr. Kirby para soldiers kn kuto Russia para jama kuri shae, taikan tho untrained, underequipped aro unprepared taki shae kui shae war kili bo karne.
White House laka spokesperson para etu damki kan kuto soldiers kan keh di ase, etu tho ekdum manu nahoi kui shae. “Etu kura tho Russia laka military leaders kan taikan ki kuri ase najane kui nah dikai ase,” tai kui shae.
Add Comment