Whittaker para Suarez ke harai de she, Liverpool te

April 19, 2026: British laga light-heavyweight boxer Ben Whittaker para first round te para he, Argentina lahen ga boxer Braian Suarez ke knockout kure de she, M&S bank Arena te. Tai laga record etia toh 11-0-1. Mane tai 11 bar jete she, ekbar be hare nai aro khale ekbar draw hoi she. Liverpool laga Callum Smith toh headline kure bole thake she, hoile be tai jokhom pa karne, David Morrel aro tai jun laga match toh hobole pare nai. Etu karne manu khan beshe toh match sabole ahe nai, hoile be Whittaker toh mun chutu nahoi kena, dekhai she tai laga boxing skills khan. Ekta right hook para Suarez ke gerai de she, aro 10 count ahge uthe bole pare nai. Whittaker toh ja sal laga November te be Gavazi ke dua minute te harai de she. Suarez toh tai laga 26 fights te , tai pasta toh hare she.