September 14, 2020. Sunday din, World Health Organization para Duniyaa sob laga ek din pithor te coronavirus cases junai thishe. 24 gonda pithor te 307,930 cases paishe koishe.
Sobse besi utha toh India, United States aro Brazil para thakishe, koikena agency laga website para koishe. Mora manuh 5,537 uthishe, etai sob meliakena 917,417 manuh morikena ase koishe.
India te 94,372 notun cases khobor paishe, etu beche United States te 45,523 paishe aro Brazil te 43,718 ase koishe.24 gonda pithor te, United States aro India te 1,000 oper notun manuh mora khobor thakishe aro Brazil te 874 manuh laga jaan jaishe. September 6 darik te, WHO para notun cases toh 306,857 record korikena thaka ase. Agency khan para aro April 17 darik te 12,430 manuh morishe koikena khobor thishe. Duniyaa te, India para notun cases ola te lead hoikena hotai din cases thuriase aro jaa hafta ek din pithor te 97,570 cases thakishe koikena Reuters laga tally hesab para khobor janai thishe. India laga konuba desh te, medical oxygen baboli dhuk hoishe, keli koile bemari cases toh 4.75 million oper hoishe. United States te 6.5 million cases record hoikena ase. COVID-19 bemari toh etai be 58 desh te aro besi uthiase, etu pithor te Argentina, Indonesia, Morocco, Spain aro Ukraine te be cases toh besi hoiase, koikena Reuters para janai thishe. United States te notun cases toh komti hoiase aro tai khan chaka te 44% te lamishe. July 16 darik te 77,000 notun cases para lama ase. Brazil te be bemari cases toh komti hoiase koishe.
Add Comment