WHO para Desh khan health infra, vaccination othabole janaishe

Agencies, 20 June: Sunday te World Health Organization (WHO) para south-east Asia region te desh khan public health infrastructure othabole, gara social measures bonabole aro vaccination othabole kosish bonabole koise kelay koile tusara COVID-19 otha te rokhabole nemite.

Global health body koise, Etu hapta Maldives aro Myanmar para confirm korise coronavirus variants laga transmission toh monn chinda laga howa. Poila monn chinda howa variants toh Bangladesh, India, Indonesia, Nepal, Sri Lanka, Thailand aro Timor-Leste para confirm kora thakise.

Recent global cases te otha toh coronavirus variants of concern logote economies aro societies khula para motob korise koise.

Ami khan test, trace aro isolate kosish toh gara kori thakibo laki koise. Physical distancing, hand hygiene aro thek masks laka te gara para implement koribo lakibo koise.

Regional Director of WHO South-East Asia, Poonam Khetrapal Singh para etu measures toh full force te hobo laki koise aro lamba samai te besi transmissible variants of concerns khobor howa jaga te hobole koise.

Tai para be desh khan Covid-19 kelaaf vaccination otha te, tai khan public helath aro social measures toh tailored aro agile manner te bonabole koise.

Singh para statement te risk-based approach toh public health aro social measures nemite laki koise. Aro etu measures toh lowest administrative level te bonabo laki koise aro intensity of transmission aro capacity of health systems te adjust koribole koise.

Covid-19 pandemic ola te, alak alak desh khan toh alak alak phases te ase koise aro varying epidemiological situations para lok pai ase koise. Region te etiya besi cases nama toh dekhi ase hoilebe tusara desh te etiya be othi thaka toh dekhi ase koise.

Singh para be ami khan etiya be pandemic toh ami khan osor te thaka te napaoribo laki koise aro ke level te hoilebe complacency kelaaf guard koribo laki koise. Aro duniya te health workers aro high risk aro komchor groups khan majote besi vaccine coverage nahowa tak public health aro social measures te  bonai thakibole koise.