WHO: Vaccines para olop samai cases rokabo naparibo

December 3, 2020. Manuh khan logot COVID-19 bemari rokabo nemite social distancing thakiboli aro dosura hoshari kam toh respect thiboli koishe. Keli koile, aha 3 moina para loikena 6 moina dak te coronavirus vaccine sob manuh nemite komti hoijabo aro bemari besi othi thaka rokabo nemite ase. “ami khan logot vaccine toh besi napabo etu nemite bemari othi thaka toh rokaboli lage”, koikena WHO top emergency expert Mike Ryan para kowa toh Reuters para social media te janai thishe. WHO para manuh khan ke warn thishe ke, dhukan, kam kora jaga aro schools khan te ventilation komti thaka jaga te mask hotai lakaboli koishe. “manuh khan para judi physical distancing 1 metre (3 feet) maintain koribo naparile aro ghor pithor te aro bacha khan aro students 12 umer para oper khan ke mask lagabi” koikena Wednesday din guidelines janai thishe. Etu samai, Wednesday din UK Prime Minister Boris Johnson “searchlights of science” koishe, etu para “invisible enemy” COVID-19 logot Pfizer/BioNTech vaccine approved korikena para larai koribo, hoilebi manuh khan logot besi besas te najaboli koishe. 10 Downing Street briefing samai, junaishe ke aha hafta para highest risk categories nemite vaccine toh tayaar thakibo. Johnson aro koishe, desh para COVID Winter Plan toh manikena aha saal dak te vaccine administration kam toh bhal para soruh korikena naja dak hoshari te thakiboli janaishe.