Meghalaya, June 01: Teenta minor bacha laga jaan jai jaishey poisonous wild mushroom khaina Saphai village, Meghalaya deh. Authorities kan para residents kan ke warn kurishey ki mushroom toh forage kura time deh dhyaan para kuriwoley.
Teenta minor bacha toh Meghalaya laga West Jaintia Hills, Laskein C&RD Block deh Saphai village para ase koishey, aro etu ghatna toh June 01 deh huishey koishey.
West Jaintia Hills Superintendent of Police, Chemphang Syrti para kwa hisab deh village para teenta family kan toh toxic mushroom kaina affect huishey. Taikan toh tara tari Jowai laga Moth Community Health (MCH) hospital deh treatment karney loi jaishey.
Deceased minors kan toh same family para takishey aro taikan laga naam toh Wansalan Suchiang (14), Kitlangki Suchiang (10), aro Riwanka Suchiang (8) takishey koishey. Taikan laga amma Jumonlang Suchiang (43), aro ekta 10-month-old son bi currently critical condition deh ase NEIGRIHMS deh.
Second affected family laga members kan, Ribaitki Shadap, Shanmi Shadap, aro Sah Shadap kan bi Jowai laga MCH Hospital deh treatment receive kuri ase.
Enaga kurina third affected family deh Over Sutnga, Anna Suchiang, aro Niwanshwa Kanai bi MCH Hospital deh admit huina ase.
Local authorities kan para etu incident toh investigate kuri ase aro residents kan ke urge kurishey extreme caution lubo leh wild mushrooms kan forage kura time deh.
Add Comment