Dimapur, March 17: Student,children aro village communities para nature, forest aro wildlife bachabo nemide awareness campaign toh Forest Department, Nagaland para loikena ase. Department para March 14 direk de awareness toh Lizutomi village deh loikena ase, March 15 direk deh Sukhai aro Chishilimi village deh toh March 16 deh loise.
Satya Prakash Tripathi, PCCF & HoFF aro Chief Wildlife Warden, Nagaland para kowah toh, forest wildlife laga important toh alag alag samai deh eki hobo lagi. Tai para kowah toh students, children aro ami khan laga future generation para forest aro wildlife toh bachabole paribo. Ministry of Environment, Forest & Climate Change, Government of India para sob 12 Himalayan states- Nagaland, Assam, West Bengal, Manipur, Sikkim, Tripura, Meghalaya, Mizoram, Arunachal Pradesh, Uttrakhand, Himachal Pradesh, Jammu and Kashmir deh Nature Learning Centre” toh National Mission of Himalayan Studies (NMHS) pethor deh bona laga kowah thakishe.
Chief Wildlife Warden, Nagaland, Dimapur, Nagaland Zoological Park, Dimapur, Botanical Garden, Kohima deh Nature Learning Centres toh bonabole ase. Etu para manu khan ahhai kena janibole pabibo. Nagaland laga Government para khobor janideya toh, nature bachabo nemide training toh Forest Department para students, children aro communities khan sob ke debole ase.
Rajkumar M, DFO Zunheboto para awareness lowah ke ektum kushi powah kotha janaideya thakishe aro tai para etu laga message toh neighbouring aro osor bosti khan janibo nemide debe koise.
Tokaho H Kinimi, Wildlife Warden, Dimapur para kowah toh, sob manu khan plants aro animals khan ke bachabo lagi koise. Kelay koile etu para he human race deh bachai koise.
Foresters, students/ children, village communities khan majodebe phal para kotha kora thakishe.
Add Comment