Wimbledon 2024 final jiti bole Carlos favorite ase

July 14, 2024: Novak Djokovic aro Carlos Alcaraz kan Wimbledon men’s championship laka 2024 final deh history bana bole bisari ase, Sunday din deh. Jua sal All England club deh Alcaraz para Djokovic keh harai di shae, ekta epic five-set thriller deh. 21 sal laka Alcaraz, tai French Open tho jiti nah, taila third major championship jiti shae. Alcaraz, tai taila fourth Grand Slam karne gun kuri ase, alak side deh Djokovic, tai Roger Federer laka record match kuri bole pari bo. Federer laka record  tho atha Wimbledon ase, All England Club deh. Djokovic, tai taila no.1 ranking keh chari bo laki jai shae, Jannik Sinner para top spot tho claim kura piche deh. Djokovic tai ekta knew jokom kah tho, French open quarter final deh title bid thho kotom kuri di shae. Djokovic, tai second time karne Alcaraz keh mili bole ase, Grand slam event deh aro former world no. 1 Mats Wilander para taila honest views kan share kuri shae. “Favorite tho kun ase, etu tho kubo leh bishi dictar ase. Muila papna deh Carlos Alcaraz ase, kile koile tai Wimbledon jiti shae. Tai para tateh Novak keh harai di shae, Semi-finals piche deh tai nerves isap deh ki expect kuri bo, etu tho jani jabo kui shae. Mui laka isap deh tai enaka papna kuri bo. Mui bishi sal aro chances ase, Wimbledon jiti bole,” Wilander para Eurosport keh kui shae.