May 10, 2024 : Wokha laga District Administration para ekta felicitation prodgramme loishey, itu HSLC topper khan nimitey, itu Wokha laga Deputy Commissioner laga office chamber tey para, 10th May 2024 tey.
Itu programme toh hoiley tai khan laga outstanding academic performance kruia nimitey organise kurishey, tai khan achieve kuria nimitey, itu olop ajikali declare kuria laga HSLC examination 2024 laga. Itu students khan ke felicitate kuria khan toh hoiley ; Isaiah Higher Secondary School laga (top 7th) Nchumbemo Lotha, Libemo Memorial School laga (top 17th) Meriyani C Humtsoe aru Libemo Memorial School laga (top 17th) Zaren Taslim Khandakar.
Wokha laga Deputy Commissioner – Ajit Kumar Ranjan para itu students khan logotey interact kuria homoi tey, itu felicitation laga programme homoi tey, itu charta students khan ke congratulate kurishey, tai khan laga achievement khan nimitey aru bhal result ula karney itu school khan nimitey aru itu district nimitey bhi. Tai para students khan ke encourage kurishey, tai khan laga mehnat toh continue rakhiboley karney koishey. Eneka nishina aru bhi bhal bhal secure kuriboley future tey, aru aru-bhi thi khan ke DC para koishey ki, tai khan laga sapna ki asey utu pursue kuriboley koishey, passion para, ekta responsible manu hoboley, jeevan tey. DC para itu School administration ke bhi laud kurishey, groom kuria aru motivate kuria nimitey, itu bacha khan ke, aru eneka bhal result ula boley para nimitey.
Wokha laga SDO (C)- Nuhuta Tunyi para itu felicitation programme tey chair kurishey. Certificate khan, gift hamper khan aru cash award khan dishey itu students khan ke. Ama Baba aru School laga authority khan bhi itu felicitation programme tey attend kurishey.
Add Comment