September 26, 2024: Wokha District para 26th September 2024 din deh District Planning and Development Board Meeting lui shae, Deputy Commissioner Wokha, Vineet Kumar, IAS laka chairmanship pitor deh. Advisor Agriculture, Mhathung Yanthan kun meeting deh taki shae, tai, Agricultural sector laka advancement deh kotha kuri shae aro Agri. And Allied Department keh challenge kuri shae, eki lokot deh taki bole. Etu tho tai itia lakeh nishi nah papna kureh kui shae. Wokha District tho Land of Plenty ase kui nah tag taka karne, Advisor para Wokha deh Agri. Expo organize kuri bole lakeh kui shae, DC Wokha para kwa nishi shae. Tai para etu kam tho kuri bole Agri and Allied Departments keh di shae. Yanthan para Agri. And Allied Department kan mohina deh kom seh kom ekbar tho meeting lobo lakeh kui shae. Meeting deh, Dy. Superintendent of Jail, Dr. Oben Yanthan para District Jail deh jah visiting doctor upor deh ekta male pharmacist/male nurse b taki bo lakeh kui shae. Dr. Oben para inmates laka health aro well being keh bhal para sabo lakeh kui shae. Etu deh Advisor Mhathung para request tho genuine ase kui shae aro official keh ekta proposal ready kuri b kui shae, higher authority keh dibo leh karne. Meeting deh, power point presentation tho Agriculture and Horticulture department kan para di shae. DC Wokha para GODs kan keh DPDB meeting tho regularly attend kuri b kui shae aro sob offices kan functional taki bole request kuri shae. Meeting tho ekta note of thanks para kotom hui jai shae.
Wokha District kan DPDB meeting lui shae
Add Comment