December 18, 2023 : Itu Wokha laga district hood laga 50th saal celebrate kurishey, Wokha District Sports Council (WDSA) para, itu Golden Jubilee organizing Committee logotey collaborate kuri kena, ekta Half- Marathon open category aru Walkathon organize kurishey, Seniors Citizens nimitey, ekta theme “Run for Renewal aru Transformation” logotey, 18th December 2023 tey.
Itu half marathon race toh hoiley, MLA Y. Mhonbemo Humtsoe para support kurishey aru itu Department of Youth Resources aru sports para sponsor kurishey, koishey.
Deputy Commissioner & Chairman WDSA – Ajit Kumar Ranjan IAS para flag off kurishey, itu half marathon race toh, Wokha Zero-Point para Public Ground tak laga, itu open category nimitey aru itu senior citizen khan nimitey walkathon shuru kurishey, PWD Junction aru itu toh public ground tey para khotom kuriboley laga thakishey koishey. Itu khata function laga homoi tey, Dr. Atheo Murry para ekta pep talk kurishey, fitness & helath opor tey, aru Khriesinuo Ngacu, kun toh hoiley fitness trainer thakishey, tai para kunba technique khan demonstrate kurishey, fitness opor tey.
Former MLA & Lotha Hohol aga Ex- Chairman – Mhao Humtsoe para itu occasion ke grace kurishey aru prizes khan di dishey, jeeta manu khan ke, alag alag category laga.
Wokha laga DSO & YRSO – Libemo Jami para tai laga welcome address tey, sob jeeta manu khan ke aru itu participants khan ke congratulate kurishey, aru itu well wishers khan ke thanks janaishey, itu event ke ekta grand success bana nimitey.
Add Comment