Speech time deh, them speaker, Aotula T. Imchen para dunia deh 52% tho maike laka population ase kui shae aro etu population statistic karne mukan Girl Child Day manai ase kui shae.
Tai para manu kan kun jama kuri nah taki shae, taikan keh Girl Child Day kile mana bole zaruri ase, etu kui shae. Tai para etu tho taikan laka rights kan janai dibo karne kuri ase kui shae. Aotula para maike kan laka pitor deh potential kan bishi ase kui shae aro society deh inequalities kan ki ase, etu laka kotha kuri shae.
Imchen para maike kan ki ki challenges aro duk kan face kureh, gender pay gap, healthcare deh limited access aro educational deprivation kan nishi nah, etu deh b kotha kuri shae. Tai para maike kan keh taikan laka menstrual cycle, sexual hygiene aro health deh kan deh hoshi rar taki b kui shae taikan laka bhal karne.
Tai para aro maike kan keh khali academic books deh heh focus nakuri nah alak books b buri b kui shae kuto taikan keh knowledge dibo nijor keh express kuri bo dibo karne.
Luchui Fithu, EAC para taila welcome address deh etu program tho Women aro Girl child laka nam karne kuri shae kui shae. Teenage Pregnancy laka short movie b display kuri shae 6 minute karne aro etu piche deh discussion kan conduct kuri shae. Program tho Dr. Wonchana E. Enny (DMC, DHEW) para chair kuri shae.
Add Comment