October 23, 2023 : Itu Amur Falcons laga hunting toh deter kuriboley strict para measures khan implement kuria pichetey bhi, itu Amur Falcons laga hunting toh hoiley itya bhi chuli asey, kunba jaga khan tey, Wokha district laga, kotey kunba manu khan itu illegal practice tey engaged asey, itu chiriya khan shikar kuriboley laga tey.
Especially shaam phaley laga homoi tey, kitya chiriya khan toh nichey tey ahey tai khan laga roost kuria area tey, Wokha tey, kotey bhorta oui puka khan maati tey thakey tatey, kunba citizens khan ke toh itu chiriya khan ke gitis para mara laga dikhi paishey, koi asey.
Itu chiriya khan ke mariboley aru-bhi easy hoi jaishey, kiley koiley tai khan nichetey nami kena thakey, itu termites khan khai thaki kena. Itu illegal practice toh hoiley bishi jaga khan tey dikhishey Wokha laga, kiley koiley tatey toh termites (oui puka) khan toh available thakey bishi para.
Eneka thakilebi, itu district laga kunba section laga inhabitants khan toh hoiley agey ulai kena ahishey ekta nishina unethical aru cruel act laga against tey firm para. Tai khan appeal kurishey itu offenders khan, desist kuriboley, itu nishina heinous act tey participate nakuriboley.
Aru itu logotey, pedestrians khan toh hoiley ekta dangor distress face kuri thakey koi asey, kiley koiley tai khan bishi bhak chinta kuri thakey, itu laga pathor toh tai khan ke lagibo parey koi kena, gitis para mara laga.
Add Comment