Wokha District Tey Cook Kuria Laga Competition Loishey

September 30, 2024, 05:50 PM : Itu Poshan Maah celebration laga commemoration tey, ekta cook kuria laga competition toh hoiley organize kurishey, Wokha laga Social Welfare laga department para, Police Family Welfare, District Executive Force (DEF) Wokha logotey collaborate kuri kena, 28^th September, 2024, Police reserve Wokha tey. District Programme Officer (DWO), C. James Ezung para itu participant khan ke brief kuri kena koishey, September muhina toh hoiley Poshan Maah koi kena mark kurey, kuntu toh hoiley nationwide tey celebrate kuria laga asey hudai saal, nurture kuria laga awareness ke promote kuri ke dedicate kuri kena aru action drive kuri kena, ekta aru bhi healthy society build kuri kena. Sr. Supervisor Erenbeni Kikon bhi itu function tey kotha kurishey, nutritional value khan emphasize kuri kena, adolescent chukri khan laga, pregnant maiki khan  laga, bacha nimitey duut di thaka ama khan aru 0-6 saal laga bacha khan laga value khan laga koishey, kuntu toh hoiley key nutrition improve kuria tey aim kurey, bacha aru ama dui jon nimitey bhi. Wokha Police laga Superintendent – Aotula T Imchen para bhi itu Social Welfare laga department ke thanks janaishey, itu DEF Police Family Welfare ke platform diya karney, eneka nishina event ke part loa karney, tai khan shikhaboley para nimitey, itu nutrition laga importance toh. Tai para itu department opor tey khusi pawa laga express kurishey, itu sob logistic support nimitey aru itu competition nimitey prize khan sponsor kuria nimiety.