March 10, 2025, 06:35 PM: Wokha District Administration, Social Welfare laga department, SANKALP, HUB for Empowerment of women & Sakhi- One Stop Centre, Mission Shakti under tey, Health & Family Welfare laga department, NSRLM, WDLSA & Lotha Eloe Hoho logotey mili kena itu International Women’s Day celebration organize kurishey, 8th March 2025 tey, Wokha laga Tiyi hall tey para, tatey Nagaland laga Chief Minister laga Advisor – Dr. Chumben Murry, special guest hisap thaki kena.
Itu celebration laga homoi tey address kuri kena, Dr. Chumben Murry para Women’s Day toh ekta maiki manu khan laga achievement khan asey koi kena term kurishey. Tai para itu din observe kuria laga importance emphasize kurishey, itu society tey ki ki laga disparity khan thakilebi. Inheritance right laga opor tey kotha kuri kena Murry para observe kurishey keneka maiki manu khan ke toh hoiley bishi bhak toh community mati para alag rakhi diye aru tai para koishey ki, eneka nishina issue khan toh khula khuli discuss kuriboley lagi asey aru address kuriboley lagi asey.
Tai para note kurishey ki, Christianity aru modern lifestyle para toh hoiley significant budli anishey, itu society tey, gender parity aru equal participation nimitey demand lead kuri kena, mota aru maiki manu khan laga.
Add Comment