Wokha, 15 July: Wokha District Planning and Development Board para monthly meeting 15th July 2021 te Deputy Commissioner’s Conference Hall, Wokha jaga te loise. Meeting te Advisor, Information Technology & Communication, Science & Technology, New & Renewable Energy, Mmhonlumo Kikon para chaired thakise.
Meeting samai member khan Ralan te Veterinary Health Centre bonabole aro Chukitong, PHC to CHC (Community Health centre) te bonabole plan te higher authority para manibole nemite recommend korise.
Meeting te LADP & Common Pool 2021-22 te manibole aro finalization nemite kotha korise aro board para recommendation nemite manishe.
Chief Medical Officer, Wokha, Dr. C.W. Tungoe para COVID-19 scenario te janaideya samai district te etiya tak 40,780 doses of vaccines paise aro etu laga te 36,680 vaccines jolaise koise aro district te 4,100 doses bachi kena ase koise. Tai para be 14th July 2021 te sob Cold Chain Point COVID-19 vaccine stock laga status janaishe. Etu te tai para pura district te 11 cold chain points toh vaccine kaam te othabole nemite joli ase koise.
District te COVID-19 situation te kotha korikena Mmhonlumo Kikon para sal 2021-22 nemite LADP fund para 10% nama toh district te health care system laga infrastructure aro tusara facilities te facilitate koribole nemite ase koise kelay koile COVID-19 pandemic te rokhabole nemite. Tai para Wokha district Task Force te besi kosish toh testing aro vaccination othabole nemite debole koise aro churches aro tusara frontal organizations be dawai laga laab te awareness bona te melibole koise.
Add Comment