Wokha, 20 February: Monthly Wokha District Planning and Development Board meeting toh 18th February 2020 te Deputy Commissioner conference hall jagate loise. Meeting te Vice/Chairman & DC, Wokha Orenthung Lotha toh chaired thakise.
Advisor Horticulture, Border Affairs and Chairman DPDB Wokha, Mhathung Yanthan para tai laga suru remark te Director of Horticulture Dr.R. Elithung Lotha ke welcome korise kelay koile meeting te ahiya nemide. Yangthan para be district laga sob head offices ke planning process te hesha lobole janaishe kelay koile district te putli toh anibole nemide.
Meeting te kotha kora agendas, societies laga registration nemide Spectrum Education Society aro Tsungiki Gazetted Union Wokha Town opor te kotha korise aro government laga approval nemide recommend korise, Perennial Montessori School to Perennial School wokha te putli kuribole kotha korise aro hgher authority para manibole nemide kotha korise.
Advisor Horticulture, Border Affairs and Chairman DPDB Wokha Mhathung Yanthan para State Land Acquisition Authority (SLAA) Govt. of Nagaland te recommend kuribole laga agenda anishe. Etu toh Public Ground Wokha Town nemide mathi malik ke poisa debole laga ase. Board para etu opor te kotha korise aro government para namibo nemide recommend korise.
Deputy Commissioner Wokha, Orenthung Lotha koise, district administeation toh notun DC office complex bonabo nemide manibole laga te ase. Etu toh sob line departments nemide mini-secretariat hisaab te hobo. DC para sob head offices ke plan nemide office room mentioning specific apply kuribole koise.
Director of Horticulture Dr.R. Elithung Lotha para state te horticulture department para alak alak developmental activities aro projects lowah opor te janaishe.
Power point presentation time te department of Art & Culture and Nagaland State Transport para district te tai khan laga activities kora present korise.
Board para be notun members PD DRDA K. Shekikho Phuleshe and EAC Changpang T. Sulanthung ke welcome kora thakise.
Add Comment