June 10, 2024 : Deputy Commissioner, Wokha, Ajit Kumar Ranjan, IAS para meeting karney matishey, itu chairman khan, GBs aru political party khan logotey sob colony laga, Wokha town under tey, 8th June 2024 tey, Deputy Commissioner laga Conference Hall tey para. Superintendent of Police and Returning Officer (RO) & ADC Wokha bhi itu meeting tey attend kurishey.
Itu meeting ke address kuri kena, itu DC para appeal kurishey, itu sob colony khan laga leader khan ke, support extend kuriboley aru co- operate kuriboley, itu peaceful, free aru fair para conduct kuriboley itu forthcoming ULB election laga. Tai para inform kurishey itu leaders khan ke, ki, ekta committee toh hoiley constitute kuriboley asey, representative khan logotey, sob colony khan aru political party khan para, proper co- ordination aru dissemination maintain kuriboley, information laga, smooth aru peaceful para conduct kuriboley laga ensure kuriboley, itu ULB election laga, itu district tey.
Deputy Commissioner para itu bhi inform kurishey ki, kun bhi bahar laga manu khan nahoilebi voter khan kun khan laga naam khan aru register nai, itu E/roll tey, tai khan ke colony bahar tey thakiboley koishey, itu election process laga homoi tey, shanti thaka atmosphere maintain rakhiboley karney.
Superintendent of Police ,Wokha, Aotula T Imchen para itu sob colony leader khan ke aru political party khan ke appeal kurishey, shanti thaka atmosphere maintain rakhiboley karney, tai khan laga respective colony khan aru ward khan tey, ensure kuriboley karney ki, eku law aru order laga situation toh na-ulaboley utu homoi tey, itu electioneering laga process tey aru pura co-operation assure kuri kena, eneka hoiley hey election khan toh conduct kuriboley paribo itu total fairness tey.
RO & ADC, Wokha, K. Furhesie Nyuwi para itu meeting laga homoi tey, itu leaders khan ke apprise kurishey, itu guideline khan itu Model Code of Conduct (MCC) laga related tey, campaign kuria laga process aru alag important information itu ULB election laga regard tey. Tai para itu leader khan ke itu bhi appeal kurishey, assistance extend kuriboley, itu voters slip laga distribution laga homoi tey, kuntu toh hoiley itu Sector Official khan para kuribo. Itu meeting toh hoiley unanimous para resolve kuribo ki, “Show-off strength/ force” kurishey koiley toh hoiley, pura puri ban kuri dibo, itu scrutiny laga homoi tey, smooth aru peaceful para itu elction conduct kuriboley nimitey.
Add Comment