December 06, 2023 : Wokha laga Deputy Commissioner – Ajit Kumar Ranjan (IAS), para ekta final notice issue kurishey, sob concerned individual khan ke, NH-2 tey kiba kibi uthai kena nahoiley banai kena thaka khan hataboley laga regard tey, Wokha distrct bhitor tey. Itu initial notice toh hoiley June 21st, 2023 tey issue kuri kena thakishey koishey.
Itu mati kabja kuri kena thaka manu khan nimitey, National Highway laga mati opor tey, permanent nahoiley temporary thakilebi itu toh ekta significant concern kuridi asey , traffic management nimitey, operational efficiency aru future tey kuriboley laga project khan nimitey dikhar di asey, koishey. Aru itu logotey, eneka nishina encroachment toh hoiley ekta offense hisap consider kurey, Section 29 under tey, itu National Highway Act 1956 aru itu Indian Penal Code laga Section 447 laga.
Itu final notice diya toh hoiley, ekta directive hisap tey serve kurey koishey, kun khan toh hoiley khushi khusi ki ki banai loi asey, National Highway tey, phat para hataboley koishey, nahoiley khali kuriboley koishey, itu structure khan/ plot khan, dus (10) din bhitor tey, itu order laga din para hisap kuri kena. Judi kunba itu kuriboley fail kurishey koiley, itu time diya bhitor tey, joborjosti itu structures khan ke hatai dibo, eku bhi aru notice khan nadi kena.
Add Comment