August 06, 2024: Deputy Commissioner, Wokha- Vineet Kumar (IAS) para toh hoiley, sob concern khan ke inform kurishey ki, Government Notification laga pursuance tey, aru environmental sustainability aru public health maintain kuriboley laga interest tey, tai khan para inform kurishey ki, ekta pura- ban toh hoiley impose kurishey, itu state, itu di kena thaka single use plastic laga saman khan, Wokha district laga pura jaga tey.
Sob single- use plastic (SUPs) carry bag khan, kiman kiman laga micron khan thakilebi, sob single use plastic bottle khan, pani aru soft drink khan 1 litre para nichetey thaka toh bon kuri dishey. Aru itu saath saath, ki ki laga commercial establishment khan nahoilebi entity khan judi itu order diya toh namani kena violate kuri asey koiley, tai khan toh Rs 10,000/- laga daam laga fine tiraboley lagibo, itu galti kurishey koiley, aru itu pichetey aru bhi dusra-bar kuri thaka laga dhurishey koiley, Rs 20,000/- tiraboley lagibo koishey, aru eneka hey kcuri jai thakiley, permit toh cancel kuridibo, itu khan toh impose kuri dibo koishey.
Itu notification toh hoiley 1st August, 2024 tey para effect tey hoi jaishey aru itu toh hoiley eneka he thakibo, aru notice khan nadiya tak.
Sob relevant authority khan ke direct kurishey, strict compliance ensure kuriboley, itu koi kena thaka notification logotey.
Add Comment