WOKHA,JUNE 16,2019: Wokha Police khan Team Metamorphosis aro Self Help Group (SHG) logote milikena 14th June 2019 DEF, Wokha Unit drill shed te paper bag making laga training loishe . SDPO, Wokha Imkongsangba tai laga introductory speech te sob participants khan ke welcome kurikena plastic free environment laga uporte kotha kurishe . SP, Wokha Manoj Kumar, IPS, plastic pollution laga ki threat ase etu uporte kotha kurishe aro unit khan para steps ki loi ase plastic free “Police Reserve” nimete .Tai para aro bi khobor dishe ki aro bi awareness programme khan olabole ase literary competition khan loikena.
Team Metamorphosis laga Oreno Ngullie Nyanbeni & Saroni Self Help Group laga master trainees thakishe. Etu one day training toh Unit Personnel laga maiki aro Regimental School, DEF Wokha laga student khan nimete ase .Etu training te 78 manu khan bhaagh loishe .Etu luwa toh Govenmemt policy ke kuribole nimete etu bi plastic nachulabole nimete .
Add Comment