Deputy Commissioner, Wokha Orenthung Lotha para Bailing Machine Unit shuru kurishe aro new JCB toh 21st October 2020 Wokha te halidishe.
DC, para etu inaugural function te kotha kura samay te koishe ami khan laga approach toh solution bisaribole nimete waste khan manage kuribole nimete scientific hobole lageh kile koile etu waste toh bhal para chulabole nimete boost kuribole paribo.tai aro bi koikena janaishe ki waste khan alag alag kuridiya toh bishi important aro lagi thaka laga ase kile koile toh waste ola toh bishi dikdaar hoi jai aro manu khan ke waste toh alag alag kuribole nimete janaishe n etu te wet aro dry te etu bi sanitation workers khan dikdaar napabole nimete etu waste khan toh alag alag kuribole nimete.
ADC aro Administrator Wokha Town Council (WTC), K. Mhathung Tsanglao kun para etu programme loishe koikena janaishe koi Department of Urban Development khan para machineries khan dishe etu bi town ke sapha kuribole nimete aro waste manance toh hatabole nimete kuntu te tai para manu khan ke waste khan thik para phekabole koishe etu para town ke environment hazard para free kuridibole nimete.
Rev. Abemo Jungio Pastor Wokha Town Baptist Church para dedicatory prayer dishe . aro HA, WTC para vote of thanks dishe.
Add Comment