Kohima, 11 December: Friday, December 11, 2020 te Minister for Public Health Engineering Department (PHED) Jacob Zhimomi para Wokha te ekta Clock Tower inaugurate korise. Clock tower toh Deputy CM Y. Patton laga initiative pithor te bona laga ase.
PHED Minister, Jacob Zhimomi para public ke kotha kora samai tai etu te hisha thaka opor te kushi powa janaideya thakise. Tai para be Dy. CM Y. Patton ke tai nejor laga resources para tai laga community nemide clock tower bona karni dhanyaabad janaideya thakise. Tai para Lothas toh ekta senior morom kora leader thaka nemide gopal ase koise.
Kotha kora samai tai para be Wokha town te water supply toh jowa sal Vankhosung main reservoir te inaugurate kora opor te mention kora thakise aro tai para department toh etu reservoir para basic lakiya water supply toh aha sal monsoon nahowa agae te debole kosish koribo koise. Tai para be department para thek water storage debole napara toh olob technical dekthari nemide ase aro etu toh joldi thek koribo koise.
Programmed te Deputy Commissioner, Wokha Orenthung Lotha toh chaired thakise aro clok tower laga inauguration nemide benediction prathana Executive Secretary, LBCA, Rev. L. Tsanso para kora thakise.
Add Comment