Wokha te Maike khan nemite Workship Cum Skill Training

Wokha, 07 April: Workshop Cum Skill Training for Women on Use of Mobile Applications toh District Skill Committee (DSC) Wokha, Wokha District Administration, aro DLCW-MSK under BBBP para National Institute of Electronics aro Information Technology (NIELIT), Kohima logote meli kena 6^th April 2022 te DC’s Conference Hall, Wokha jaga te loise.

Workshop toh tinta sessions te kothom kora thakise. First aro third session toh A Morimenba Amer, Joint Director, National Institute of Electronics and Information Technology (NIELIT), Kohima para lowa thakise. Tai desktop, laptop, mobile te kushi kushi software/application installed nakoribole, hotai systems/devices te latest patches logote update koribole, cyber security nemite kaam laga tips, sobse notun version laga anti-virus nesana para system/devices bachai rakhibole, pirated software najolabole, gara PIN nahoile passcode para sob devices/accounts te bachai rakhibole, PIN nahoile password kon ke be nadekhabole, net-banking password, One Time Password (OTP), ATM nahoile phone banking PIN, CVV number nesana  kon ke be share nakoribole, bank te apuni laga mobile number register koribole hotai transaction laga khobor nemite, trusted merchants logote he transact koribole, ATM te safe digital payments nemite kon para hoilebe bechae para nasabole ensure koribole nemite koise.

Second session samai Technical Officer, National Institute of Electronics and Information Technology (NIELIT), Kohima, Moasunep Kichu para Digital Marketing te koise aro Facebook & Instagram platforms te kenaka Social Media marketing koribo etu opor te koise. Welcome remark toh Selemla S Sangtam, SDO (C), Wokha para deya thakise aro workshop te Dr. Wonchano E Enny, Women Welfare Officer, DLCW-MSK, Wokha para chaired thakise. Vote of thanks toh Anuranjan Singh, Skill Development officer, Mahatma Gandhi National Fellow, Ministry of Skill Development and Entrepreneurship, Government of India para deya thakise.

District te maike khan nemtie skill training lowa nemite Deputy Commissioner (DC), Wokha, Orenthung Lotha para NIELIT, Kohima laga team ke dhaniyabad janaishe.