WOKHA,SEPTEMBER 09,2019: SDO (C) Wokha, Chonpenthung Ezung para DC’s office Wokha 7th September 2019 te Poshan MAAH Rally shuru kurishe .
Etu pura September moiuna toh nutrition aro health ke promote kuribole dedicate kuribo etu bacha khan laga growth aro development nimete nutrition aro health laga importance khan janibole nimete.Etu activities khan toh departments khan etu te Social Welfare, Medical, School Education aro dusra line department khan logote District Administration para koikena loishe.
Activities khan te school te mass awareness talk shows aro students khan logote camps khan etu janibole aro anemia aro diarrhea hatabole nimete etu te students khan janibole junk food khan khaile toh ki hobo aro tai khan ke balance diet lobole kotha kuribo.Bacha bukha ama khan ke kinika balance diet maintain kuribo aro fresh aro nutritious food khabole lageh bacha bukha time ama bacha ke thik thak kuribole nimete dikhaishe.
Etu moina te cleanliness drive bi lobole ase healthy environment nimete janaidibole karne,Baby show bi lobole ase children khan majhotte nutrition status bhal kuribole nimete .Immunisation aro intensification bosti laga Health sanitation aro nutrition day toh sob bosti laga health centres khan te lobo.
Sr. Supervisor, CDPO Office Wokha, Erenbeni Kikon para Poshan pledge loishe etu rally shuru nakura akhe te .Etu shuru kura time te Anganwadi, Asha Workers, adolescent Girls Club aro Teachers khan thakishe.Etu shuru huwa programme te Supplementary nutrition food khan bi dishe. CDPO, Wokha Myanlumo para sob manu khan etu te bhaagh luwa khan ke mondikena kaam kuribole koishe etu campaign bhal para kuribole nimete.
Etu moina lamba programme para sob ghor khan te right nutrition, nutrition food, clean water aro right practices of life janaidibole nimete target kuri ase etu para bacha khan healthy strong thakibole nimete .
Add Comment