July 19, 2024: Ekta dangor landslide hoishey, Wokha bosti laga, ‘B’ Khel, APMC osor tey, kuntu toh hoiley dui hazar para bhi bishi manu khan ke affect kurishey. Itu landslide, kuntu toh hoiley July 15th 2024 tey hoishey, 5:00 Am tey, utu hoa para bishi severe damage khan hoishey, tatey laga building khan tey, Mhonyamo Murry laga aru Thungjamo Murry laga ghor tey chutu mutu damage khan hoishey.
Kiley koiley Mhonyamo laga building toh hoiley bishi para biya hoi kena asey, itu parivar khan ghor chari kena, ghor khan evacuate kuriboley laga hoi jaishey. Itu chari kena, duita ghor khan, Murry laga building opor tey, tai khan ke bhi ghor khali kuriboley karney koishey, aru bhi mudslide khan hoboley nishina thaka para.
Mhonyamo para inform kurishey ki, itu official khan, itu responsible department aru district administration para toh hoiley agey para visit kuri kena asey, utu jaga tey. Murry para koishey ki, itu chuli thaka raasta construct kuria company, TTC Infra, toh hoiley assist kuri thakishey, itu mudslide hataboley.
TTC Infra jaga laga in-charge -Sanjay aru general manager – Ajay para state kurishey ki, tai khan toh hoiley effort khan dhalishey, itu mati khan hataboley aru assist kuriboley, itu damage hoa tey, judi bhi itu toh hoiley, tai khan laga assignment para bahar tey thakilebi.
Add Comment