May 08, 2024 : Itu duniya logotey mili kena, Wokha district toh hoiley itu World Red Cross Day observe kurishey, DC Conference Hall tey, 8th May 2024 tey, Deputy Commissioner, Ajit Kumar Ranjan logotey, tatey Special Guest buhi kena.
DC para tatey jama kuria manu khan ke address kuria homoi tey, IRCS Wokha unit para commendable job kuria nimitey laud kurishey, jawa saal khan tey aru tai khan ke encourage kurishey eneka he continue kuriboley, itu notable aru noble service khan logotey aha din khan tey bhi koi kena. Itu Red Cross Society laga movement aru value khan opor tey emphasize kuri kena, tai para koishey, Red Cross toh hoiley nationality , race, religious biswas, nahoilebi class ke eku discriminate nkurey, aru ulta itu toh hoiley manu khan dukh pawa toh relieve kuriboley/ halka kuriboley karney kaam kurey aru tai khan toh hoiley bishi urgent case khan ke priority diye, distress tey thaka khan nimitey. Tai para sob ke encourage kurishey, society ke modod kuriboley, transcend kuriboley, moi khan laga society ke safe, secure aru peaceful jaga banaboley.
Wokha laga IRCS laga Secretary -Dr. K.Z. Ovung para ekta khata report di thaka homoi tey, koishey, Wokha Red Cross Society para toh hoiley medical camp khan conduct kurishey, remote area khan tey, aru bosti khan tey, Wokha district under tey, blanket khan laga distribution kurishey, lagi thaka manu khan ke, cash relief khan kurishey aru alag activity khan kurishey koishey.
Add Comment