June 17, 2026, 5:05 PM: Itu Urban Local Body (ULB) by‑election, Ward No. 8, Tsumang B Colony nimitey, Wokha Town Council under tey conduct kurishey, 16th June, 2026 tey, duita polling station khan bhitor tey. Itu voter turnout toh hoiley 69.39 percent thakishey.
Itu bye-election toh hoiley, itu vacancy banai kena thaka toh fill kuriboley lagi thaka laga thakishey, Wokha Town Council Chairperson, Late Khozamo Murry muria para, tai laga jaga tey replace kuriboley, December 2025 tey. Duita candidate khan itu seat tey contest kurishey : BJP ticket tey Mhomo Humtsoe aru NPF ticket laga Ar. Aling Lotha.
Itu voting laga process tey disturbance aru problem khan ulai kena, itu duita party para bhi, itu District Adminsitration para, Deputy Commissioner aru District Magistrate Wokha, K. Mhathung Tsanglao under tey, security measure khan tight kuriboley asey, aru Section 163 impose kurishey, itu Bharatiya Nagarik Suraksha Sanhita (BNSS), 2023 laga. Itu situation toh hoiley under control tey anishey, ensure kuri kea ki voting process toh hoile smooth para continue hoi asey koi kena complete nahoa tak.
