Agencies, 25 September: Women rights activist, poet, and author Kamla Bhasin toh September 25, 2021 te morishe. Tai laga omar 75 thakise. Tai toh cancer aro pulmonary edema para dukh pai thakise. Bhasin toh South Asia te ‘One Billion Rising’ campaign te hisha thaka nemite famous thakise aro tai tusara kaam laga movements te be hisha thakise. Tai toh India aro South Asian desh khan te women’s rights movement laga field te ekta prominent voice thakise.
Human rights activist Kavita Srivastava para Bhasin mora khobor janaishe. Besi manu khan para Bhasin ke tributes deshe. Tweet te Delhi Deputy CM Manish Sisodia, Actor Shabana Azmi, Historian S Irfan Habib, layer-activist Prashant Bhushan, Padmashree awardee Sunitha Krishnan aro tusara khan para mondukh janaishe.
Kamla Bhasin toh April 24, 1946 te jonom howa ase aro tai toh Indian feminist activist, author, aro poet thakise. Tai ke toh women’s rights activism laga field te ekta stalwart hisab te referred kora thakise. Bhasin toh nejor ke ekta ‘social scientist by training’ hisab te janise. 1970 te tai issues of gender, human development, education, aro media te kaam suru kora thakise.
2002 te tai United Nations (UN) te kaam para chara thakise tai laga best-jana kaam ‘Sangat’ te kaam koribole nemite. Etu toh ekta feminist NGO ase aro etu toh rural aro tribal communities te underprivileged maike khan logote kaam kori.
Bhasin para besi books aro poems toh gender theory, feminism, aro patriarchy te lekhise. Bhasin be ‘One Billion Rising’ campaign laga South Asian coordinator thakise.
Add Comment