New Delhi, 9 February : Shooting te, Indian trio Esha Singh, Manu Bhaker aru Rhythm Sangwan aji New Delhi-te hoa Asian Rifle/Pistol Championship te women’s 25m pistol team event te gold medal jiti paise. Indian team total 1,751 points loi standings te top te thaka ase. Chinese Taipei e 1,735 points loi silver medal paise, aru Vietnam 1,729 points loi bronze medal secure korise.
Itu logote, women’s 25m pistol individual event te, Manu Bhaker gold medal miss kori silver medal paise, kelemane shoot-off tie-break te Vietnam laga Thuy Trang Nguyen laga logot duijon 35 points loi tie hoa. Duibar shoot-off hoa pichete, Nguyen Bhaker ke halka margin te harai gold medal paise.
Esha Singh India laga medal tally te aru jog korise, 30 points loi bronze medal secure kori.
Add Comment