London, 10 September: Sunday din Trevor Brown Memorial Ground de Manchester United aro Aston Villa khela thakise. Etu khel de Manchester United toh 12-0 score pora jeta thakise. 2005 sal pora na-kheli kena thaga bechide United toh aro first time khela laga ase. Manchester United karni strike Jess Sigsworth pora five goal thala thakise. Lauren James aro Kirsty Hanson pora tuita goal thala thakise aro ekta-ekta goal toh Katie Zelem, Mollie Green aro Ella Toone pora thala thakise. Championship de, Tottenham Hotspur toh London Bees logode 2-1 score pora jeta thakise aro Leicester City toh Crystal Palace logode 2-0 pora jeti lowah thakise. Lewes toh Millwall Lionesses logode 3-0 pora jeti-kena kushi-manai thakise aro Durham toh Sheffield United logode 2-0 pora jeta thakise Saturday din. Manchester United toh next Sheffield United logode khelibole ase aro Aston Villa toh Leicester City logode khelibole ase.
Add Comment