Mumbai, 6 March : Jetiya ami Indian cinema laga first female star laga kotha koi thaikiya, internet te Devika Rani laga naam sobsebi aahi jai. Tai 1933 te Karma film te debut kuri thakise aru itu film te first film te kiss scene thaka nimite bhi news te aahi thakise. Internet te thora olop search kure kwa to, Fatima Begum laga naam bhi first female artist hisab te aahi jai. Late actor Fatima Begum 1922 te Ardeshir Irani laga silent film Veer Abhimanyu te Hindi cinema te debut kuri thakise, pichite producer-director bhi hoise.
Kintu, itu internet te thaka information ulta ase, karon Indian cinema laga first female artist 1913 te Mohini Bhasmasur film te aahi jaise.
2022 te film artists’ organisation Cine and Television Artist Association (CINTAA) ekta tribute meeting rakhi thakise veteran actor Vikram Gokhale laga moromor memory te. Itu meeting te janai dise ki Vikram Gokhale laga great-grandmother bhi cinema laga ekta hissa thakise. Bishi research kuri kwa to, Gokhale laga great-grandmother e Indian cinema laga first female star ase, aru tai laga naam Durga Bai Kamat ase. Indian cinema laga father, Dadasaheb Phalke e Durga Bai Kamat ke November 1913 te tai laga second film Mohini Bhasmasur te acting kuribole chance di thakise.
Jetiya Raja Harishchandra (1913) film bonaise, etiya time te kunba bhi female artist itu film te kaam kuribole razi nohoi thakise, tai nimite Dadasaheb Phalke e Anna Salunke ke Taramati laga role dibole faisla luli thakise. Itu time te, mahila manu khan film te kaam kura kharap dikhise. Jetiya Vikram Gokhale laga great-grandmother Mohini Bhasmasur film te kaam kuri thakise, tai bhi bishi kritik face kuri thakise.
Durga Bai Kamat e Mohini Bhasmasur te Parvati laga role kuri thakise, aru tai laga maiki, Kamala Bai Gokhale e Mohini laga role kuri thakise. Tai itu time te 13 bosor laga thakise, aru tai Indian cinema laga first female child artist hoise. Itu 1913 te duita female artist first time Indian cinema te debut kuri thakise. Itu time te, performing arts te kaam kura mahila khan ke “Baiji” koi thakise, aru itu title itu time te prostitutes nimite bhi use kuri thakise.
Research kuri kwa to, films te kaam kora age Durga Bai ekta traveling theater company join kuri, jagah-jagah te ghoori thaki bhi acting kuri thakise. Itu time te theater te acting kura bhi bhal dikhibo nohoi. Durga Bai ekta Brahmin family te janm luishe, aru tai theater aru film te kaam kuri thaka nimite tai laga community nimite bishi jhamela hoise. Tai nimite Panchayat bhi rakhi thakise, aru Brahmin community Durga Bai ke boycott kuri thakise. Kintu, koi thaki ase ki tai har mane nohoi, tai laga rasta te majbut dhorikene age jayi thakise.
Durga Bai 1879 te janm luishe, aru tai 7th standard pora school jayi thakise. Tai famous Marathi actor Chandrakant Gokhale laga grand-mother aru actor Vikram Gokhale (Hum Dil De Chuke Sanam film te kaam kuri thakise) laga great-grandmother hoise. Durga Bai Anand Nanoskar laga biya kuri thakise, tai Mumbai laga JJ School of Arts te history teacher thakise. Kintu itu biya bishi din nohoi tikikene Durga Bai ekta maiki logot ekla thaki jayi thakise.
Durga Bai Kamat 70 movie te kaam kuri thakise, aru tai laga last film Gaharay (1980) te release hoise. Tai 117 bosor laga umor te Pune te mora jayi thakise.
Add Comment