Thun, 9 July : Striker Alexia Putellas duita goal disey world champion Spain karone, juntu Monday din Women’s Euros Group B match te Belgium ke 6-2 te haraise. Itu result logot, Spain knockout stage te reach koribole confirm hoise, karon Portugal pora later match te Italy ke harabo parianai.
Spain laga first goal Putellas pora first half te mid point te dise, kintu Belgium turant equalize korise Justine Vanhaevermaet laga corner header pora. Titia bhi Spain half-time te lead te jai, juntu captain Irene Paredes laga dangor header pora set piece te score kori ahise.
Second half shuru hobo lagte, Belgium laga Hannah Eurlings abar equalize korise, kintu duita minute pora Spain laga Esther Gonzalez lead restore kori dise. 61st minute te Belgium corner clear na parile Spain laga Mariona Caldentey opportunity loi 4-2 banai dise.
81st minute te Claudia Pina laga ekta brilliant curled shot pora match almost end kori dise, aru Putellas laga second goal — match end hobar 4 minute age — Spain ke group top te loise 6 points logot. Belgium, juntu Italy logot opening match te 1-0 pora hari jaise, eliminate hoise.
Dusra match te, Portugal laga Diana Gomes laga last-minute equalizer Italy logot 1-1 draw banai dise, aru Portugal laga Women’s Euro campaign alive rakhi dise. Itu draw karone Italy Monday din knockout stage reach koribole chance miss korise, aru Spain Group B te ekmatra team ase jun confirm quarterfinal spot paise.
Add Comment