Greater Noida, 28 March : Yasika Rai women’s boxing nationals te Sikkim karone ekta rare boxing medal jitikena dangor history banai dise. Itu medal tai easily miss kuri bole parise, kintu tai laga determination nimite itu hobo di nai, ulaiki kina boxing ring te tai laga naam set kuri dise.
Boxing Federation of India (BFI) majote chol thaka administrative crisis nimite, Sikkim laga six-member team laga participation last moment te bhi doubt te thakise. State officials, kun tu current BFI regime ke support na kuri, team ke withdraw kuri lobole instruction di thakise. Even airport te flight board kuri bole time te bhi boxers ke rukabo nimite try kuri thakise.
Kintu itu sob obstacles namani kina delegation competition te participate kuri dise. Tai laga result hoise ki Yasika 12 saal pora Sikkim karone Elite Women’s National Championships te ekta medal anikena record torai dise. Tai only fifth Sikkim woman boxer hoise juntu senior nationals te medal jitise. Tai laga age first Sikkim woman boxer hoise Dronacharya Awardee Sandhya Gurung, kun tu Olympic medallist Lovlina Borgohain ke train kuri thakise.
48kg category te compete kuri thaka Yasika seven-day championship majote ekdom bhal performance dikhai dise. Tai laga nimble footwork, controlled aggression aru clean punching nimite tai laga fight sob pora alag dekhai dise. Itu category te world champion Nitu Ghanghas aru Asian Championship medallist Minakshi thaka bhi, 21-year-old Yasika tai laga guts aru ring craft dikhai kina highest level te bhi compete kuri bole paribo itu prove kuri dise.
Final match te Minakshi opor 0-5 para hari jabole pora bhi, tai itu tournament laga best find ekta hoise. Tai final jabole total charhta bout jitise, Punjab, Manipur, aru Railways laga boxers ke harai kina.
Add Comment