December 19, 2020. Gal Gadot-starrer superhero film, Wonder Woman 1984 toh Christmas Eve, December 24 darik India cinemas te release hoboli Twitter handle te Warner Bros para junaishe. India para notun release darik toh Thursday din te janai thishe. United States te film toh December 25 darik te release koribo. “Wonder Woman 1984 toh India te December 24 darik cinema te release hobo, koikena Warner Bros, India para koishe. $200 million-budgeted film toh etu saal agae te release hoboli thaka toh Covid-19 nemite thiri korishe. Patty Jenkins para directed kora ase aro etu film toh English, Hindi, Tamil aro Telugu kotha te release hobo. Etu samai, Wonder Woman 1984 toh US theaters aro AT&T Inc’s HBO Max streaming service te be release koribo. Subscribers nemite first moina Christmas Din para free te saboli paribo, koikena Warner Bros para koishe. Lead star Gal Gadot para lekishe ke, “etai samai ase ami sob besi din para roki thaka toh. Tumi khan para etu movie sabo nemite ami besi kushi ase. Fesla loboli eman asani thaka nai aro Covid bemar nemite eman thiri rokiboli bapana thaka nai. Wonder Woman 1984 ami nemite besi special ase aro ami bapana ase tumi khan nemite te be hobo. Ghor te bohikena HBOMax te saboli paribo.
Add Comment