Los Angeles: Superhero sequel Wonder Woman 1984 para international theatres te ticket sale kora te $38.5 million kamaishe koikena Warner Bros para Sunday din te junaishe. Film laga starring Gal Gadot para jaa hafta bahar te kam soruh howa te China markets melaikena 32 jaga te aro 30,000 screens te thikaishe. Studio para koishe, admissions toh 6 million oper thakishe. Sobse besi kamai toh Chinese theaters te $18.8 million oper paishe. Wonder Woman 1984 toh United States laga theatres te Christmas din akhe te nathikabo aro HBO Max te thikabo koishe.
COVID bemari nemite studios neshina Warner Bros para audiences khan logot film olaboli darik toh koboli dukh hoishe. Hosa te toh Wonder Woman 1984 toh duniyaa pura te summer samai theatres te olai thibo thakishe, hoilebi bemari nemite olaboli darik toh akhe te loikena jaishe. First samai 2017 sal te film toh duniyaa pura te $821 million para bonaishe aro etai besas ase ke etu laga akhe film toh $200 million neshina para hoijaboli. Etu sal Warner Bros para film oper te dosura tarika para kam korishe, etu oper te Tenet toh theaters te release korikena ‘The Witches’ toh HBO Max te botaishe. Jaa moina studio para Wonder Woman 1984 toh hybrid release koriboli fesla loishe. Tenet para first internationally olaishe aro etu samai August moina te 41 markets te $53 million para kam korishe.
Add Comment