Tokyo, 22 September : Botswana Sunday din Tokyo te World Athletics Championships te dangor itihas banai loise — taikhan first African nation banise men’s 4×400 metres relay World title jiti thaka, ekta thrilling finish te United States aru South Africa ke piche charikene. Collen Kebinatshipi, jun Thursday din 400m individual gold loi thakise, final leg te powerful run marikene USA laga Rai Benjamin ke last metres te overtake kori, Botswana ke gold dilaise time 2 minute, 57.76 seconds te.
United States, jun last 10 world titles te nine jiti thakise, final karone morning runoff para four athletes change kori thakise, aru South Africa ke slight edge para silver loi loise. Dono team 2:57.83 timing te finish kori thakise, kintu USA ke declared winner banai dise two thousandths second para.
Itu pichete, women’s 4×400 metres relay final te US easy win loi loise.
Individual 400m champion Sydney McLaughlin-Levrone last leg run kori USA ke gold loi dise timing 3:16.61 te. Jamaica silver loi loise 3:19.25 te, aru defending champion Netherlands third finish kori loise 3:20.18 te.
Add Comment