World Badminton Championships: Satwiksairaj-Chirag, PV Sindhu & Dhruv-Tanisha, Quarterfinals te ghusishey 

Paris, 29 August : World Badminton Championships te, men’s doubles laga juti Satwiksairaj Rankireddy aru Chirag Shetty, women’s singles laga star PV Sindhu, aru mixed doubles laga juti Dhruv Kapila aru Tanisha Crasto quarterfinals te Paris te reach kuri se. Rankireddy aru Shetty Olympic silver medallist China laga Liang Weikeng aru Wang Chang ke ekta dangor game te haraidi se round of 16 match te. PV Sindhu straight game te China laga World No. 2 Wang Zhiyi ke haraidi win kuri se. Aji semis te jaga paibar karone tai Indonesia laga Putri Kusuma Wardani ke face kuribo. Kaal din, Kapila aru Crasto duibar World Championships medallist Tang Chun Man aru Tse Ying Suet ke upset kuri 21-11, 21-16 score te jitise aru quarterfinals te entry loise.