Liverpool, 10 September : Duita bar world champion Nikhat Zareen tai laga jeet World Boxing Championships te Liverpool te Tuesday din continue korise, Japan laga Yuma Nishinaka ke women’s 51kg pre-quarterfinals te 5:0 para harai kene.
Japan laga boxer excessive clinch korina Nikhat laga rhythm bhangibo try kori thakise, aru etu karone referee duta penalty point bhi di dise. 29 saal laga Nikhat prothom round te Japan laga spirited fight face korilebi, tar pisot Indian boxer ke rukabo nuarise, juntu etu saal te tai laga prothom international event hoise.
Aru etu laga age te bhi Nikhat international stage te comeback announce korise ekta clinical win logot opening round te. Duita bar world champion thaka Indian boxer USA laga Jennifer Lozano logot fight kori 5-0 verdict loise, juntu te tai prothom minute para he dominate kori thakise.
India etu inaugural World Championships te 20-member contingent field korise, juntu World Boxing — notun banai thaka international governing body laga under te host kora ase, aru men aru women duita category te bhi bhal performance laga asha rakhi ase. Tinijon women boxer podium para ekta win doori ase, aru paachjon aru bhi nijor pre-quarterfinal fight khelibo laga ase etu din pora.
Kintu, men’s side te Sachin (60kg), Sumit (75kg) aru Narender (90+kg) karone road khotom hoi jabo pari dise, karon tai logote Monday raat te nijor respective match haraise. Sachin 1:4 pora Kazakhstan laga Biibars Zhexen logot haraise, Sumit Bulgaria laga Rami Kiwan logot 0:5 pora, aru Narender Italy laga Diego Lenzi logot 1:4 verdict te haraise.
Women’s 65kg pre-quarterfinals te Neeraj Phogat dangor fight di thakilebi England laga Sacha Hickey logot 2:3 pora haraise.
Add Comment