Agencies, 2 September: Sunday din 52nd ISSF World Championship de India pora tuita gold medals toh junior section de jeti kena suru hoise. Hoilebe senior teams toh final de fail howah thakise. India karni Arjun Singh Cheema pora gold toh junior men’s 50m pistol pora jetise aro team even de Gaurav Rana aro Anmol Jain pora gold jetise. Event de Gaurav pora be bronze jetise. Arjun pora 559 score shot korise. Tai Korean Woojong Kim pora be phal howah thakise. Etu Korean khari pora 554 score mari kena bronze silver jeta thakise. Gaorav toh 551 score mari kena bronze lowah thakise. Korea 1640 laga agae de, Arjun, Gaurav aro Anmol Jain pora tally 1659 score pora team gold jetise. Team event de China pora bronze jetise. Mixed team 10m air rifle de Apurvi Chandela aro Ravi Kumar pora 835.6 shot mari kena seventh de kothom howah thakise. Top five team pora final bona thakise aro Apurvi aro Ravi toh 0.4 points pora kera thakise. Even de second Indian team, Deepak Kumar aro Mehuli Ghosh pora eki logode melikena 831.6 score de 25th jaga de kothom howah thakise. Fifth aro final qualification toh 771 score pora Spain thakise. Second Indian pair Manu Bhaker aro Abhishek Verma pora 767 shot mari kena 12th position de kothom howah thakise.
Add Comment